Антонио Контенинг Италия терма жамоаси бошқарувига келиши билан боғлиқ имкониятлар иккита асосий сабабга кўра пасаймоқда.
Биринчидан, Италия терма жамоаси навбатдаги бор Жаҳон чемпионатига чиқа олмаганидан сўнг, ҳомийлар реклама учун катта маблағ ажратишга тайёр эмаслар. Бу эса Контега юқори маош тўлаш имконияти йўқлигини англатади.
Иккинчидан, мураббийнинг Аурелио Де Лаурентис билан яна бир йиллик шартномаси бор — «Наполи» президенти эса мураббийни қўйиб юборишни истамаяпти, деб эслатмоқда calcionapoli1926.it. Бошқа томондан, ишлашни истамаган одамни мажбурлаш ҳам унчалик тўғри қарор эмас.
Эслатиб ўтамиз, Конте 2024 йилдан бери «Наполи»да фаолият юритиб келмоқда.
