Ўзбекистон Суперлигасининг 11-туридан ўрин олган «Қўқон-1912» — «Бунёдкор» ва «Сурхон» — «Пахтакор» учрашувлари якунланди.
«Қўқон-1912» — «Бунёдкор»
Қўқон шаҳридаги «Марказий» стадионида «Қўқон-1912» Тошкентнинг «Бунёдкор» жамоасини қабул қилди ва 1:0 ҳисобида ғалабага эришди.
Учрашув кескин кураш ва хавфли вазиятларга бой бўлди. 21-дақиқада майдон эгалари сафидаги ҳимоячи Жасур Ёқубов тўпни қўли билан ўйнагани ва бу орқали рақиб жамоа ҳужумчисининг бирга-бир вазиятга чиқиб боришига ҳалақит бергани учун майдондан четлатилди. Шунга қарамасдан 35-дақиқада «Қўқон-1912» футболчиси Муҳаммаданас Ҳасанов чап қанотдан жарима майдонига ёриб кирди ва чиройли гол муаллифига айланди.
Иккинчи бўлимда «Бунёдкор» вазиятни ўзгартиришга ҳаракат қилди. Биринчи бўлим охирида сариқ карточка олган Носиржон Абдусаломовга 49-дақиқада рақибига ишлатган қўполлиги учун қизил карточка кўрсатилди. Учрашув якунига қадар дарвозалар бошқа ишғол этилмади.
Ушбу натижадан сўнг «Қўқон-1912» 11 очко билан турнир жадвалининг 14-поғонасига кўтарилди. «Бунёдкор» эса 19 очко билан 5-ўринда бормоқда.
Ўзбекистон Суперлигаси, 11-тур
«Қўқон-1912» — «Бунёдкор» 1:0
Гол: 1:0 — Муҳаммаданас Ҳасанов (36)
Четлатиш: Жасурбек Ёқубов («Қўқон-1912», 21-дақиқа), Носиржон Абдусаломов («Бунёдкор», 49-дақиқа)
«Сурхон» — «Пахтакор»
Термиз шаҳридаги «Сурхон» аренада «Сурхон» клуби Тошкентнинг «Пахтакор» жамоасини қабул қилди ва 1:1 ҳисобида дуранг ўйнади.
Учрашувда «Пахтакор» катта устунликка эга бўлди, бироқ ҳисоб 42-дақиқада Суннатилло Абдуллажонов томонидан очилди.
Иккинчи бўлимда меҳмонлар вазиятни бартараф этиш учун ҳужумлар сонини оширди. 90+1-дақиқада Шаҳзод Азмиддинов гол уриб, жамоасини мағлубиятдан қутқариб қолди.
Ушбу натижадан сўнг «Сурхон» 12 очко билан турнир жадвалининг 12-поғонасида бормоқда. «Пахтакор» эса 26 очко билан 2-ўринда қолди. «Шерлар» «Нефтчи»нинг очко йўқотишидан унумли фойдалана олмади.
11-тур учрашувлари якунига етганидан сўнг, Суперлигада узоқ муддатли танаффус юзага келади. Турнир 2026-йилги Жаҳон чемпионатидан сўнг давом эттирилади.
«Сурхон» 12-тур доирасида «Андижон» майдонига сафар қилади, «Пахтакор» эса «Локомотив» билан баҳс юритади.
Ўзбекистон Суперлигаси, 11-тур
«Сурхон» — «Пахтакор» 1:1
Голлар: 1:0 — Абдуллажонов (42), 1:1 — Азмиддинов (90+1)
| 12/06 07:00 | Жанубий Корея | 2-1 | Чехия | ||
| 12/06 23:59 | Канада | 1-1 | Босния-Герцеговина | ||
| 13/06 06:00 | АҚШ | 4-1 | Парагвай | ||
| 13/06 23:59 | Қатар | - | Швейцария | ||
| 14/06 03:00 | Бразилия | - | Марокаш | ||
| 14/06 06:00 | Гаити | - | Шотландия | ||
| 14/06 09:00 | Австралия | - | Туркия | ||
| 14/06 22:00 | Германия | - | Кюрасао |
Суперлига. Икки қизил карточка кўрсатилган ўйинда «Қўқон-1912» «Бунёдкор»ни таслим этди, «Пахтакор» Термизда сўнгги дақиқада гол уриб, мағлубиятдан қутулиб қолди
| Баҳо: |
+ | -
|
Рукн: Шарҳлар ва Анонслар
Манба: stadion.uz
Киритилди: 22:28, 03.05.2026.
Ўқилди: 1530 марта.
Фикрлар: 0 та.
Ўқилди: 1530 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
«Бу футбол учун шармандалик». Раде Богданович Роналдунинг ЖЧ–2026даги иштироки ҳақида фикр билдирди [5127]
Zo'r TV телеканали 13-июнь куни ЖЧ-2026нинг 4 та ўйинини жонли трансляция қилади [3786]
“Реал” “Арсенал” футболчиси билан музокара бошлади [3261]
«Манчестер Юнайтед» Фернандеш трансферига яқин [2395]
Левандовски шартнома муддатини ўзи танлаши мумкин — унинг янги клуби маълум [2351]
Марсело ЖЧ-2026 стартидан сўнг полиция томонидан эвакуация қилинди [2189]
Мбаппе Аргентина билан эҳтимолий ўйин ҳақида фикр билдирди Месси [2018]
Колумбия тарихидаги энг яхши тўпурар: “Барчаси Ўзбекистонга қарши ўйиндан бошланади” [1987]
Футбол бўйича Ўзбекистон миллий терма жамоамиз боксчиларимиз талқинида! [1690]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|