«Барселона» вингери Рафинья Диас Саудия Арабистони чемпионати вакилларининг трансфер мақсадларидан бири бўлиб қолмоқда. Номи ошкор этилмаган Саудия клублари келаётган ёзда юлдузли бразилиялик учун 90 миллион евро тўлашга тайёр, деб хабар бермоқда Transfer News Live нашри El Pais маълумотларига таяниб.
Футболчининг ўзига йилига тахминан 30 миллион евро миқдоридаги катта маош таклиф қилиниши кутилмоқда. Шу кунларда Рафинья ўз келажаги борасида ҳали якуний қарорга келмагани ҳақида хабарлар пайдо бўлди, ваҳоланки, аввалроқ 29 ёшли футболчи «Барселона»да қолиш ниятида экани айтилган эди. «Кўк-анорранглилар» ҳужум чизиғи етакчисининг амалдаги шартномаси 2028 йилгача мўлжалланган.
