«Тоттенхэм» бош мураббийи Роберто де Дзерби «Астон Вилла» устидан қозонилган ғалабадан (2:1) сўнг Англия Премьер-лигасининг қийинлиги ҳақида гапирди. «Шпорлар» муҳим уч очкони қўлга киритиб, мавсум якунига уч тур қолганда хавфли ҳудуддан (қуйи лигага тушиб кетиш зонасидан) чиқиб олишди.

«Премьер-лига жуда шафқатсиз. Жамоада жароҳатлар кўпайиб кетса, узоқ вақт ғалаба қозона олмасанг ва ўзингга бўлган ишончни йўқотсанг, ҳар бир ўйин билан вазият ёмонлашиб бораверади. Тўхташ ва ҳаммасини нолдан бошлаш учун янги куч топиш керак», — дея Де Дзербининг сўзларини келтирмоқда The Touchline.

Италиялик мутахассис март ойи охирида истеъфога чиқарилган Игор Тудорнинг ўрнига «Тоттенхэм» бошқарувини қўлга олган эди. Айни дамда жамоа «Вест Хэм»ни бир очкога ортда қолдириб, 17-ўринни эгаллаб турибди.