«Манчестер Юнайтед» шимолий-ғарбий дербида «Ливерпуль» устидан 3:2 ҳисобида ғалаба қозонди. Табиийки, «Олд Траффорд»га ташриф буюрган «қизил иблислар» мухлислари бу натижадан жуда мамнун бўлишди.
Бироқ «Ливерпуль» ярим ҳимоячиси Доминик Собослаи «Манчестер Юнайтед» мухлисларини «жойига қўйиб қўйишга» ҳаракат қилди. Венгриялик футболчи трибуналарга қараб, қўли билан либоси енгидаги Премьер-лиганинг олтин эмблемасига ишора қилди. Бу билан Собослаи айнан «Ливерпуль» Англиянинг амалдаги чемпиони эканлигини эслатиб ўтди.
Маълумот учун, «Манчестер Юнайтед» сўнгги бор 2013 йилда АПЛ чемпионлигини қўлга киритган. Шунингдек, «Манчестер Юнайтед» келаси мавсум учун Чемпионлар лигаси йўлланмасини нақд қилиб бўлган.
