Англиянинг «Ливерпуль» клуби Премьер-лиганинг навбатдаги турида «Манчестер Юнайтед»дан учта гол ўтказиб юборди ва шу тариқа, жорий мавсумдаги ўтказилган тўплар сони 47 тага етди.
Англиянинг амалдаги чемпиони қарийб ўн йилдан бери бунчалик кўп гол ўтказмаган эди — охирги марта бундай нохуш кўрсаткич «Лестер»нинг чемпионлигидан кейинги мавсумда қайд этилган. Эслатиб ўтамиз, яқиндагина «Лестер»нинг тарихий чемпионлигига ўн йил тўлган эди. Ўшанда «тулкилар» зафарли мавсумдан кейинги 2016/2017 йилги чемпионатда 63 та гол ўтказиб юборишган ва чемпионликни ҳимоя қилиш ўрнига, қуйи лигага тушиб кетмаслик учун курашишга мажбур бўлишган эди.
Ҳозирда «Ливерпуль»нинг аҳволи уларга қараганда анча яхши — жамоа АПЛ турнир жадвалида тўртинчи ўринни эгаллаб турибди.
