Angliyaning «Liverpul» klubi Premyer-liganing navbatdagi turida «Manchester Yunayted»dan uchta gol o‘tkazib yubordi va shu tariqa, joriy mavsumdagi o‘tkazilgan to‘plar soni 47 taga yetdi.
Angliyaning amaldagi chempioni qariyb o‘n yildan beri bunchalik ko‘p gol o‘tkazmagan edi — oxirgi marta bunday noxush ko‘rsatkich «Lester»ning chempionligidan keyingi mavsumda qayd etilgan. Eslatib o‘tamiz, yaqindagina «Lester»ning tarixiy chempionligiga o‘n yil to‘lgan edi. O‘shanda «tulkilar» zafarli mavsumdan keyingi 2016/2017 yilgi chempionatda 63 ta gol o‘tkazib yuborishgan va chempionlikni himoya qilish o‘rniga, quyi ligaga tushib ketmaslik uchun kurashishga majbur bo‘lishgan edi.
Hozirda «Liverpul»ning ahvoli ularga qaraganda ancha yaxshi — jamoa APL turnir jadvalida to‘rtinchi o‘rinni egallab turibdi.
