УЕФА Чемпионлар лигаси ярим финал босқичидан ўрин олган жавоб ўйинларини бошқарадиган ҳакамлар номини эълон қилди.
«Арсенал» ва «Атлетико» жамоалари ўртасидаги учрашувга (биринчи ўйин – 1:1) германиялик Даниэль Зиберт бош ҳакам этиб тайинланди. Унга қанотларда ҳам ватандошлари ёрдам беришади. VAR тизими учун Бастиан Данкерт масъул этиб белгиланди.
«Бавария» – «ПСЖ» баҳсини (биринчи ўйин – 4:5) эса португалиялик Жоау Педру Пиньейру бошқариб боради. Унинг бутун бригадаси Португалия вакилларидан иборат, фақат VAR тизимида италиялик Марко Ди Белло ишлайди.
«Арсенал» ва «Атлетико» ўртасидаги ўйин 5 май куни, «Бавария» ҳамда «ПСЖ» иштирокидаги учрашув эса 6 май куни бўлиб ўтади.
