Мадриднинг «Реал» клуби дарвозабони Андрей Лунин бўлажак трансфер ойнасида жамоасини ўзгартириши мумкин. Захира дарвозабони бўлишига қарамай, украиналик посбонга бозорда талаб юқори ва у кўпроқ ўйин амалиётига эга бўлиш учун турли вариантларни ўрганмоқда. Бу ҳақда Sport.fr хабар бермоқда.

Манбанинг маълумотига кўра, Лунин асосий дарвозабон сифатида мустаҳкам ўрин эгаллаш имкониятини берадиган трансфердан манфаатдор. Италиянинг «Интер» клуби 27 ёшли посбонга жиддий қизиқиш билдирмоқда. Бироқ «Реал» футболчини катта миқдордаги товон пулис изисиз қўйиб юбормоқчи эмас. Мадрид клуби Лунинни 30 миллион еврога баҳоламоқда ва эндиги асосий масала — Милан клуби «қаймоқранглилар»нинг молиявий талабларини бажаришга тайёрми ёки йўқлигида.

Маълумот учун, Андрей Лунин 2018 йилнинг 22 июнида Луганскнинг «Заря» клубидан 8,5 миллион евро эвазига «Реал»га ўтган эди.