Лондоннинг «Челси» клуби инқирозли серияни давом эттирмоқда. Жамоа сўнгги 10 та учрашувнинг 8 тасида имкониятни бой берди.
Бугун АПЛнинг 35-тури доирасида «Ноттингем Форест»га қарши кечган баҳс (1:3) ушбу муваффақиятсизликлар занжирининг навбатдаги ҳалқаси бўлди. Охирги 10 та ўйин ичида «кўклар» фақат икки марта ғалаба қозонишди:
Англия Кубоги 1/4 финалида «Порт Вейл» устидан (7:0);
Мусобақа ярим финалида «Лидс» устидан (1:0).
Қолган 8 та учрашувда эса мағлубият қайд этилди. Ушбу давр мобайнида «Челси» рақиблар дарвозасига 3 та гол уриб, ўз дарвозасидан 22 та тўп олиб чиқди (умумий ҳисоб — 3:22).
Жамоани олдинда яна бир жиддий синов кутмоқда: 9 май куни АПЛ 36-тури доирасида «Челси» ўз майдонида «Ливерпуль»ни қабул қилади. Бундай оғир ҳолатда лондонликлар мерсисайдликларга қандай қаршилик кўрсатиши кўпчиликда қизиқиш уйғотмоқда.
