«Манчестер Юнайтед» клуби «Аталанта» ярим ҳимоячиси Эдерсон учун курашга жиддий киришмоқда.

Николо Скиранинг хабар беришича, «қизил иблислар» 26 ёшли бразилиялик футболчи учун 45 миллион евро таклиф қилишни режалаштирмоқда. Бу таклиф уларга Мадриднинг «Атлетико» клубидан ташаббусни тортиб олиш имконини бериши мумкин.

Мадрид клуби футболчи билан шахсий шартнома шартларини аллақачон келишиб олган эди. Унга кўра, Эдерсон 2031 йилгача йиллик 4,5 миллион евро маош олиши кўзда тутилганди.

Бироқ, Италия клуби «матрасчилар»нинг аввалги 35 миллион евролик таклифини рад этган ва ўз ўйинчиси учун каттароқ маблағ талаб қилган. Эндиликда «Манчестер Юнайтед»нинг таклифи трансфер жараёнини ўзгартириб юбориши кутилмоқда.