Лондоннинг «Арсенал» клуби ҳужумчиси Виктор Дьёкереш Чемпионлар лигаси ярим финали доирасида Мадриднинг «Атлетико» жамоасига қарши бўлиб ўтадиган жавоб учрашуви олдидан ўз фикрларини билдириб ўтди.
«Биз нима гаровга қўйилганини яхши биламиз. Мухлисларимиз билан бирга ажойиб кечани ўтказиш имкониятига эгамиз, аммо майдонда ишни охирига етказиб қўйишимиз шарт. Худди Мадриддаги каби қийин ўйин бўлади. Уларнинг ҳужум чизиғида маҳоратли футболчилар кўп, улар хавфли.
Биз яхши ҳимояланишимиз ва тўп билан бўлганимизда ўзимиз билган ишни қилишимиз керак. Ҳозирда бизда жуда яхши туйғулар бор. Барчамиз бўлажак ҳар бир ўйинни интизорлик билан кутяпмиз. Шу шукуҳ ва энергияни майдонда кўрсатиб беришимиз лозим», деди футболчи.
Эслатиб ўтамиз, «Арсенал» ва «Атлетико» ўртасидаги ҳал қилувчи баҳс 5 май, сешанба куни Лондоннинг «Эмирейтс» стадионида бўлиб ўтади.
