Душанба куни Италия А Сериясида 35-турга иккита ўйин билан якун ясалди. Паоло Ваноли бошқарувидаги «Фиорентина» «Рома»га йирик ҳисобда имкониятни бой берди (0:4).

Мутахассиснинг фикрича, унинг шогирдлари биринчи голдан сўнг ўйинни ташлаб юборишган — бунга балки бевосита рақобатчи «Кремонезе»нинг мағлубиятидан хабар топганлари сабаб бўлган бўлиши мумкин.

«Биринчи ўтказиб юборилган голдан сўнг футболчилар тўхтаб қолишди. «Кремонезе»нинг натижаси эса бизга оқлов бўла олмайди. Шунингдек, ажойиб ўйин намойиш этган «Рома»ни ҳам мақташ керак», — дея Ванолининг сўзларидан иқтибос келтирмоқда forzaroma.info.

Ҳозирда «Фиорентина» А Серия турнир жадвалида 16-ўринни эгаллаб турибди.