Мюнхеннинг «Бавария» клуби собиқ ҳужумчиси Томас Мюллер амалдаги бош соврин соҳиби — Франциянинг «ПСЖ» жамоасига қарши қарама-қаршиликда айнан немис клуби ғолиб чиқишига ишонч билдирди.

«Париждаги баҳс спортимиз учун ҳақиқий реклама бўлди. Аммо якунда «ПСЖ» фақат бир тўп фарқи билан олдинда, жавоб ўйини эса ўз уйимизда бўлиб ўтади. Ишончим комилки, агар «Бавария» Мюнхенда керакли даражада ўйин кўрсатса, битта ёки ҳатто иккита тўп фарқи билан ғалаба қозонади», — дея Мюллернинг сўзларидан иқтибос келтирмоқда derbyderbyderby.it.

Эслатиб ўтамиз, биринчи учрашувда «Бавария» 4:5 ҳисобида имкониятни бой берган эди. Жавоб ўйини чоршанба оқшомида бўлиб ўтади.