Мадриднинг «Атлетико» клуби ҳужумчиси Антуан Гризманн Чемпионлар лигаси ярим финали доирасидаги жавоб учрашуви олдидан журналистлар қаршисида чиқиш қилди.
Лондоннинг «Арсенал» жамоасига қарши баҳс 5 май куни бўлиб ўтади. Биринчи ўйинда жамоалар 1:1 ҳисобида муроса кўчасини танлашган эди.
«Умид қиламанки, биз тўғри руҳий ҳолатни намойиш эта оламиз ва босимга бардош берамиз. Чемпионлар лигаси ўйинлари ҳар доим ўзига хос ва ҳаяжонли бўлиб келган. Болалигимдан бу турнир ўйинларини томоша қилиб келганим менга доимо ёрдам берган», — дея Гризманннинг сўзларидан иқтибос келтирмоқда УЕФА расмий сайти.
