«Ньюкасл» вингери Энтони Гордонда Германия Бундеслигасига кўчиб ўтиш варианти пайдо бўлди. Англиялик футболчини Мюнхеннинг «Бавария» клуби ўз сафига қўшиб олмоқчи, деб хабар бермоқда Sky Sport.
Манбанинг маълум қилишича, Германия топ-клуби раҳбарияти Гордон билан беш йиллик узоқ муддатли шартнома имзолашга тайёр. «Ньюкасл» эса ўз футболчисининг сотувидан тахминан 90 миллион евро ишлаб олишни режалаштирмоқда.
Англия Премьер-лигасининг жорий мавсумида 25 ёшли ярим ҳимоячи 26 та учрашувда иштирок этди. Энтони ўз ҳисобига олтита гол (учтаси пенальтидан) ва иккита голли узатмани ёздириб қўйган.
