Миланнинг «Интер» клуби спорт директори Пьеро Аузилио билан амалдаги келишувни узайтириш бўйича музокараларни бошлашга тайёр. Унинг ҳозирги шартномаси 2027 йилда якунига етади.

Маълум бўлишича, Аузилио сўнгги ойларда Саудия Арабистонининг «Ал-Ҳилол» клубидан келган «жуда йирик» молиявий таклифни рад этган. У «нерадзуррилар» лойиҳасига содиқ қолишни ва Миланда ишлашни афзал кўрган.

Клуб президенти Жузеппе Маротта Аусилиони жамоа муваффақиятларининг асосий омилларидан бири деб ҳисоблайди. Шу сабабли, раҳбарият спорт директорининг хизматларини муносиб тақдирлаб, у билан ҳамкорликни янада узоқ муддатга давом эттирмоқчи.