Нидерландия терма жамоаси собиқ ярим ҳимоячиси Уэсли Снейдер Чемпионлар лигаси ярим финалидан ўрин олган «Арсенал» ва «Атлетико» жамоаларининг биринчи бўлимдаги ўйинидан таъсирланмади.
Инглиз клуби ярим финалнинг жавоб учрашувида испанларни мағлуб этди (1:0, биринчи ўйин – 1:1).
«35-дақиқадаёқ шундай дедим: УЕФА бунга аралашиши керак. Улар Лондонга қўнғироқ қилиб: «Ҳар икки жамоа, шунчаки майдонни тарк этинг. Финал эртага («Бавария» ва «ПСЖ» ўртасида) бўлиб ўтади», дейиши лозим эди. Бу шундай бўлишини билардик: «Атлетико» блокларда, фақат ҳимояланмоқда, «Арсенал» эса тўпга кўп эгалик қиляпти.
Таркибларга яна бир бор қараб шуни тушундимки, Артета аллақачон ҳайкал қўйилишига лойиқ. Унинг ихтиёрида топ-даражадаги ўйинчилар йўқ, шунга қарамай у «Атлетико»ни ҳимояга ётиб олишга мажбур қиляпти — бу ҳайратланарли. Улар гол урганидан хурсанд бўлдим», — деди Снейдер танаффус пайтида Ziggo Sport эфирида.
