Лондоннинг «Арсенал» клуби ўз майдонида Мадриднинг «Атлетико» жамоасини ярим финал жавоб учрашувида мағлуб этиб (1:0), Чемпионлар лигаси финалига йўл олди. Икки ўйин натижасига кўра «канонирлар» 2:1 ҳисобида устун келишди. Лондондаги баҳснинг 44-дақиқасида Букайо Сака томонидан киритилган гол жамоага финал йўлланмасини тақдим этди.

«Мени энг кўп нима ҳайратга солади? Бирдамлик, — дейди ўйиндан кейинги интервьюда мураббий Микель Артета. — Бугун кундузи баъзи йигитларга: «Узр, бугун ҳам «Фулхэм»га қарши тушган таркиб ўйнайди», дедим. Жавоб эса ўзини узоқ куттирмади: «Босс, қачон керак бўлсам, мен тайёрман». Кейин эса улар мени қучоқлаб қўйишди. Бу мураббий орзу қилиши мумкин бўлган энг олий нарсадир», — дея сўзлаб берди испаниялик мутахассис.