«Барселона» клуби жаҳон чемпионати арафасида жароҳат олган вингер Ламин Ямалнинг саломатлигидан хавотирда. 18 ёшли футболчи мавсум якунига қадар сафдан чиқди, бироқ бўлажак мундиалнинг илк ўйинларигача тикланишга улгуриши кутилмоқда.
Diario Sport нашрининг хабарига кўра, Каталония клуби Испания терма жамоаси вакилларига мурожаат қилиб, Ямалнинг ҳолатини диққат билан кузатиб боришни ва жаҳон чемпионати олдидан уни зўриқтирмасликни сўраган. «Қизил фурия» бош мураббийи Луис де ла Фуэнте ёш юлдузни гуруҳ босқичи баҳсларида фақат захирадан майдонга туширишга ваъда берди.
Испанияликлар 15 июнь куни Кабо-Вердега қарши ўйин ўтказишади, шундан сўнг Саудия Арабистони (21.06) ва Уругвай (27.06) терма жамоалари билан тўқнаш келишади.
