«Барселона» бош мураббийи Ханс-Дитер Флик Мадриднинг «Реал» клубига қарши бўлиб ўтадиган баҳс учун таркиб танламоқда. Каталонияликлар учун ўз уйидаги «эл-класико» якшанба, 10 май куни бўлиб ўтади.
Diario Sport нашрининг хабарига кўра, ярим ҳимоячи Френки де Йонг жароҳатидан тўлиқ фориғ бўлган ва энг яхши спорт формасига кириб олган, бироқ «қаймоқранглилар»га қарши ўйинни захира ўриндиғида бошлайдиган кўринади. Флик тактик сабабларга кўра асосий таркибда Гавини туширишни афзал кўрмоқда.
Якшанба кунги баҳс Тошкент вақти билан соат 00:00 да (11 майга ўтар кечаси) бошланиши режалаштирилган. Агар «кўк-анорранглилар» «Камп Ноу»да мадридликларга ютқазиб қўйишмаса, муддатидан олдин чемпионликни қўлга киритишади. Ҳозирда «Барса» мавсум якунланишига тўрт тур қолганда «Реал»ни 11 очкога ортда қолдирмоқда.
