«Манчестер Юнайтед» ярим ҳимоячиси Каземиро жамоа бош мураббийи Майкл Кэррик ҳақида ўз фикрларини билдирди.

«Менимча, Кэррик «Манчестер Юнайтед»даги ушбу ишга тўлиқ лойиқ. У «Манчестер Юнайтед» мураббийи бўлиш учун жуда яхши фазилатларга эга эканлигини аллақачон кўрсатиб бўлди деб ҳисоблайман. У клуб томонидан тўлиқ ишонч билдирилишига лойиқдир», — дея Каземиронинг сўзларини келтиради журналист Фабрицио Романо.

44 ёшли Каррик январь ойида июнь ойи охиригача мўлжалланган қисқа муддатли шартнома имзолаб, «Манчестер Юнайтед» бош мураббийига айланган эди. 35 тур якунларига кўра, «қизил иблислар» 64 очко билан Англия чемпионати турнир жадвалида учинчи ўринда боришмоқда.

Эслатиб ўтамиз, «Манчестер Юнайтед»нинг навбатдаги учрашуви 9 май куни соат 17:00 да «Сандерленд»га қарши бўлиб ўтади.