Харри Кейн жорий мавсумда клуб ва терма жамоа миқёсидаги голлари сонини 60 тага етказди.

«Бавария» ҳужумчиси Чемпионлар лигаси ярим финалидан ўрин олган «ПСЖ»га қарши жавоб учрашувининг (1:1, биринчи ўйин – 4:5) иккинчи бўлимига қўшиб берилган 4-дақиқада ҳисобни тенглаштиришга муваффақ бўлди.

Турнирнинг ушбу мавсумида Кейн ҳисобида 14 та ўйинда 14 та гол мавжуд. Харри жорий мавсумдаги барча мусобақаларда «Бавария» сафида 48 та учрашувда майдонга тушиб, 55 та гол урди, Англия терма жамоаси таркибида эса 5 та гол муаллифига айланди.