Айвен Тоуни Саудия Арабистони чемпионати тўпурарлар пойгасида Криштиану Роналдудан анча ўзиб кетди.

«Ал-Аҳли» ҳужумчиси «Ал-Фатеҳ»га қарши ўйинда (3:1) учта гол урди — бу инглиз футболчиси учун мавсумдаги тўртинчи хет-трик бўлди.

Жорий мавсумда Тоуни Саудия Арабистони чемпионатининг 29 та учрашувида 31 та гол уришга муваффақ бўлди. Айвен мавсум якунига уч тур қолганда лига тўпурарлари рўйхатини бошқариб бормоқда. Иккинчи ўринни 29 та гол билан «Ал-Қодисия» аъзоси Хулиан Киньонес эгаллаб турган бўлса, Криштиану Роналду 25 та гол билан учинчи поғонадан жой олган.