«Барселона» марказий ҳимоячиси Рональд Араухо мадриднинг «Реал» клубига қарши бўлиб ўтадиган ўйин ҳақида ўз фикрларини билдирди. Учрашув якшанба куни «Камп Ноу» стадионида бўлиб ўтади.

Каталонияликларга мавсум якунланишига уч тур қолганда Ла Лига чемпионлигини нақд қилиш учун мағлубиятга учрамасликнинг ўзи кифоя.

«Биз хотиржамликни сақлаган ҳолда «Реал» билан ўйинда ғалаба қозонишни истаймиз ва ҳар куни ушбу баҳсга тайёргарлик кўряпмиз. Тўғри, бизни дуранг ҳам қаноатлантиради, лекин олдимизга қўйган мақсадимиз бор — биз Ла Лигада 100 очко жамғармоқчимиз», — дея Араухонинг сўзларини келтирмоқда «Barca Universal».