Франциянинг «ПСЖ» клуби ҳужумчиси Усмон Дембеле Чемпионлар лигаси ярим финаллари тарихидаги энг тезкор голлардан бирига муаллифлик қилди.
Бу воқеа «Бавария»га қарши кечган жавоб учрашувида юз берди. Ҳужумчи ўйиннинг 2-дақиқаси 19-сониясидаёқ рақиб дарвозасини ишғол қилиб, мусобақанинг ушбу босқичидаги тезкорлик бўйича учинчи натижани қайд этди.
Ярим финалларда фақат икки футболчи ундан тезроқ гол уришга муваффақ бўлган: ўтган мавсумда «Барселона»га қарши ўйинда «Интер» аъзоси Маркус Тюрам (30-сонияда) ҳамда 2021/22 йилги мавсумда «Реал»га қарши баҳсда «Манчестер Сити» ярим ҳимоячиси Кевин де Брёйне (1 дақиқаю 34-сонияда).
