«Бавария» ҳужумчиси Харри Кейн Чемпионлар лигасининг плей-офф босқичида кетма-кет олтита ўйинда гол уриб, мусобақа рекордини такрорлади.

Кейн кеча «ПСЖ»га қарши кечган ярим финал жавоб учрашувининг (1:1) 94-дақиқасида гол уришга муваффақ бўлди. Бу билан у плей-оффнинг кетма-кет олтита баҳсида рақиблар дарвозасини ишғол этган тарихдаги иккинчи футболчига айланди. Бунгача бундай натижани фақат Криштиану Роналду (2012-2013 йилларда) қайд этган эди.

Шунингдек, Кейн яна бир кўрсаткич бўйича Роналдуга тенглашиб олди: у Чемпионлар лигасининг кетма-кет учта мавсумида камида 12 та голда бевосита иштирок этган (гол + ассист).

Афсуски, Кейннинг бу тарихий рекорди «Бавария»ни финалга олиб чиқиш учун етарли бўлмади. Икки ўйин натижасига кўра 5:6 ҳисобида имкониятни бой берган Мюнхен клуби мусобақа билан хайрлашди.