«Барселона» бош мураббийи Ханс-Дитер Флик клуб раҳбариятига ўз келажаги борасидаги қарорини етказди. Нуфузли инсайдер Фабрицио Романонинг маълумотларига кўра, Флик шартномани узайтиришга қарор қилган.
Шу ҳафта ичида «Барселона» мураббийнинг агенти Пини Захави билан сўнгги масалани муҳокама қилади: янги келишув ёки 2028 йилнинг ёзигача ёки худди шу муддат ва яна бир мавсумга узайтириш имконияти билан имзоланади.
Ҳозирда «Барселона» Ла Лига турнир жадвалида «Реал»дан 11 очкога олдинда бормоқда ва чемпионликни расмийлаштиришга жуда яқин. Каталонияликлар аллақачон шу якшанба куни, яъни 10 май куни бўлиб ўтадиган «Эль-Класико»да «Реал»га мағлуб бўлмасалар, муддатидан олдин чемпионга айланишлари мумкин.
