Испаниялик мураббий Альберт Риера Франкфуртнинг “Айнтрахт” клубидан кетади. Бу ҳақда инсайдер Флориан Плеттенберг хабар бермоқда.
Инсайдер кетиш сабаблари ҳақида маълумот бермаган, бироқ бунга жамоанинг қониқарсиз натижалари сабаб бўлиши мумкин.
Эслатиб ўтамиз, Риера “бургутлар”ни январ ойидан буён шуғуллантириб келмоқда.
Бунгача у Словениянинг “Целе” жамоасида ишлаган. Ёш мураббий қўл остидаги “Айнтрахт” Бундеслигада саккизинчи ўринда бормоқда. Жамоа ҳисобида 43 очко бор ва келаси мавсумда еврокубокларга йўлланма олиш имконияти йироқда.
Таъкидлаш жоизки, “бургутлар” Бундеслиганинг сўнгги олти ўйинида атиги битта ғалабага эришди.
