Ispaniyalik murabbiy Albert Riyera Frankfurtning “Ayntraxt” klubidan ketadi. Bu haqda insayder Florian Plettenberg xabar bermoqda.
Insayder ketish sabablari haqida ma’lumot bermagan, biroq bunga jamoaning qoniqarsiz natijalari sabab bo‘lishi mumkin.
Eslatib o‘tamiz, Riyera “burgutlar”ni yanvar oyidan buyon shug‘ullantirib kelmoqda.
Bungacha u Sloveniyaning “Sele” jamoasida ishlagan. Yosh murabbiy qo‘l ostidagi “Ayntraxt” Bundesligada sakkizinchi o‘rinda bormoqda. Jamoa hisobida 43 ochko bor va kelasi mavsumda yevrokuboklarga yo‘llanma olish imkoniyati yiroqda.
Ta’kidlash joizki, “burgutlar” Bundesliganing so‘nggi olti o‘yinida atigi bitta g‘alabaga erishdi.
