«Ланс» ярим ҳимоячиси Мамаду Сангаре яна бир гранд клуб эътиборига тушди. Журналист Экрем Конурнинг хабар беришича, 23 ёшли футболчи «Ливерпуль»нинг трансфер мақсадига айланган.
Малилик ўйинчи «қизиллар» устози Арне Слотнинг талабларига тўлиқ жавоб беради деб ҳисобланмоқда. Мамаду Сангарега, шунингдек, Англия Премьер-лигасининг бошқа вакиллари — «Тоттенхэм» ва «Челси» ҳам қизиқиш билдирмоқда.
Машҳур Transfermarkt портали ярим ҳимоячининг бозор қийматини 30 млн еврога баҳолаган. Ўтган йилнинг ёзида «Ланс» ушбу футболчини Австриянинг «Рапид» клубидан 8 млн евро эвазига сотиб олган эди. Сангаре «Ланс» сафида ўтказган 31 та ўйинда тўртта гол урди ва учта голли узатмани амалга оширди.
