Бирмингемнинг «Астон Вилла» жамоаси ярим ҳимоячиси Жон Макгинн бош мураббий Унаи Эмерининг жамоа Европа Лигасидаги муваффақиятли иштирокига қўшган ҳиссасини алоҳида таъкидлаб ўтди. «Шерлар» ярим финалда икки ўйин натижасига кўра АПЛнинг бошқа бир вакили «Ноттингем Форест»дан устун келдилар.
«Бизда шундай устоз борлигидан бахтиёрмиз. Эмерининг еврокубоклардаги тажрибаси жуда катта. У ажойиб иш олиб бормоқда. Ўтган ўйинда жамоамиз вазифани тўлиқ уддалади. Олдинда бизни яна бир баҳс кутмоқда», — дея шотландиялик ярим ҳимоячининг сўзларини келтиради УEФА матбуот хизмати.
Европа Лигасининг финал учрашувида «Астон Вилла» Германиянинг «Фрайбург» жамоасига қарши майдонга тушади. Учрашув 20 май куни Истанбулдаги стадионда бўлиб ўтади.
