«Аталанта»нинг ҳужумкор ярим ҳимоячиси Шарль де Кетеларе фаолиятини «Бавария»да давом эттириши мумкин. Бу ҳақда журналист Саша Тавольери хабар бермоқда.
Манба берган маълумотларга кўра, «Бавария» 25 ёшли бельгиялик футболчининг трансфери устида фаол иш олиб бормоқда. Футболчининг ўзи ўтишга розилик бериб бўлган, бироқ Германия гранди ҳали «Аталанта» билан келишиб олиши керак.
Футболчининг шахсий шартномаси шартлари муаммо туғдирмаслиги кутилмоқда, клублар ўртасидаги музокаралар эса яқин ҳафталарда ўтказилиши режалаштирилган.
Жорий мавсумда де Кетеларе барча турнирларни ҳисобга олганда 39 та ўйинда иштирок этиб, 5 та гол урди ва 7 та голли узатмани амалга оширди. Transfermarkt мутахассислари ярим ҳимоячининг қийматини 35 миллион еврога баҳоламоқда.
