«Манчестер Сити» бош мураббийи Хосеп Гвардиола вингер Жереми Докунинг «ғолиб футболчи»га айланганининг сири нимада экани ҳақидаги саволга жавоб берди.
«Ҳар доим мураббий! Агар футболчилар яхши ўйнашса — бу мураббийнинг хизмати, агар ёмон ўйнашса — ўзлари айбдор», — дея Гвардиола ўз фикрини ҳазил билан бошлади.
«Мен жуда хурсандман. Футболчилар олдинга қадам ташлашса, вингер нафақат рақибни яккама-якка вазиятда алдаб ўтиши, балки голлар уриши, ўйинга таъсир ўтказиши ва ҳимояда ҳам ишлаши кераклигини ҳис қилишса, бундан фақат қувонаман. Доку бу мавсумда ажойиб ўйин кўрсатди», — деди «шаҳарликлар» устози.
Шанба, 9 май куни «Манчестер Сити» Премьер-лига доирасида ўз майдонида «Брентфорд»га қарши баҳс олиб боради.
