«Манчестер Сити» Англия чемпионати турнир жадвалида иккинчи ўринни эгаллаб турибди. Хосеп Гвардиола жамоаси «Арсенал»дан беш очко ортда қолмоқда, бироқ захирасида битта ўйин бор. Чемпионат якунига қадар қолган тўртта ўйиндан учтасини «шаҳарликлар» ўз уйида ўтказишади. Гвардиоладан бу омил қанчалик муҳимлиги ҳақида сўрашди.

«Ўз уйимизда ўйнашни яхши кўраман, бу борада бошқа нима ҳам дейиш мумкин. Умид қиламанки, биз «Арсенал»га босим ўтказа оламиз. Ўз ўйинларимизда ғалаба қозониш — биз қила оладиган ягона иш», — деди Гвардиола матбуот анжумани чоғида.

Мавсум якунига қадар «Манчестер Сити» «Брентфорд» (уйда), «Кристал Пэлас» (уйда), «Борнмут» (сафарда) ва «Астон Вилла» (уйда) жамоаларига қарши майдонга тушади.