Италиянинг «Милан» клуби польшалик ҳужумчи Роберт Левандовски билан ҳамкорлик қилиш имкониятини жиддий кўриб чиқмоқда. Футболчининг молиявий талаблари анча юқорилигига қарамай клуб мутасаддилари ушбу трансфер устида бош қотиришмоқда. Агар келишув амалга ошса, у Италия клуби таркибидаги энг кўп маош олувчи ўйинчига айланади.
Левандовски вариантини жамоа бош мураббийи Массимилиано Аллегри ва спорт директори Игли Таре тўлиқ қўллаб-қувватламоқда, уларнинг иккаласи ҳам Робертни жамоада кўришни истайди. Бироқ, клубнинг юқори раҳбарияти вакили Жоржо Фурлани бу трансферга қарши чиқмоқда.
Роберт Левандовски сўнгги тўрт йилни Каталониянинг «Барселона» клубида ўтказди, аммо ҳозирги маълумотларга кўра, у ёзда жамоани тарк этишга яқин турибди.
