Англия Премьер-лигасининг 36-тури доирасида «Манчестер Юнайтед» сафарда «Сандерленд» меҳмони бўлди. Баҳсда ҳисоб очилмади ва жамоалар бир очкодан бўлишиб олишди.
Ушбу дурангдан сўнг «қизил иблислар» ўз очколари сонини 65 тага етказди. АПЛнинг 2025/26 йилги мавсуми якунланишига икки тур қолганда, Майкл Кэррик шогирдлари турнир жадвалида учинчи ўринни эгаллаб туришибди. «Сандерленд» эса 48 очко билан 12-поғонадан жой олган.
«САНДЕРЛЕНД» — «МАНЧЕСТЕР ЮНАЙТЕД» — 0:0
«Сандерленд»: Руфс, Альдерете, Мукьеле, Мандава, Гертрейда, Садики, Джака, Ле Фе, Тальби (Ангуло, 79), Хьюм (Майенда, 90), Бробби.
«Манчестер Юнайтед»: Ламменс, Магуайр, Мартинес, Шоу, Мазрауи, Маунт, Майну, Бруну Фернандеш, Кунья, Диалло (Мбемо, 75), Зиркзе (Доргу, 65).
Огоҳлантиришлар: Маунт (54), Зиркзе (58), Кунья (90).
