«Бенфика» бош мураббийи Жозе Моуриньо ЖЧ-2026 олдидан Португалия терма жамоасининг имкониятлари ҳақида ўз фикрларини билдириб ўтди.
«Португалия ҳар қандай натижага қодир. Уларда ажойиб авлод шаклланган. Жамоа ўтган йили Миллатлар лигасида зафар қучди. 2016 йилги Европа чемпионлигини қўлга киритган таркибга қараганда, ҳозирги авлод техник жиҳатдан анча кучлироқ. Албатта, Карло Анчелотти бошқараётган Бразилия ва Аргентина каби даъвогарлар бор, бироқ Португалия бу йилги Жаҳон чемпионатида ғолиб чиқишга қодир», — дея Моуриньонинг сўзларини келтирмоқда La Gazzetta dello Sport.
Эслатиб ўтамиз, ЖЧ-2026 шу йилнинг 11 июнидан 19 июлига қадар АҚШ, Канада ва Мексика майдонларида бўлиб ўтади. Тарихда илк бор 48 та жамоа иштирок этадиган мусобақада Португалия гуруҳ босқичида Конго, Ўзбекистон ва Колумбия терма жамоалари билан куч синашади.
