Мюнхеннинг «Бавария» клуби вингери Майкл Олисе Бундеслиганинг 33-тури доирасида «Вольфсбург» дарвозасини ишғол этди. Ушбу гол франциялик футболчи учун мюнхенликлар сафидаги жорий мавсумдаги 22-голи бўлди.
Олисе 2025/26 йилги мавсумда барча мусобақаларда жами 50 та ўйинда майдонга тушиб, «гол+пас» тизимида 47 очко тўплашга муваффақ бўлди. Унинг кўрсаткичлари мусобақалар кесимида қуйидагича:
-
Бундеслига: 31 ўйинда 15 та гол ва 18 та голли узатма;
-
Чемпионлар лигаси: 13 ўйинда 5 та гол ва 6 та голли узатма;
-
Германия кубоги: 5 ўйинда 2 та гол ва 1 та голли узатма.
Шунингдек, футболчи Германия Суперкубоги баҳсида ҳам майдонга тушган, бироқ унда самарали ҳаракатларни амалга ошира олмаган.
