Айни дамда Португалиянинг «Бенфика» клубини бошқараётган Жозе Моуриньо Мадриднинг «Реал» клубига қайтиши мумкин. Бу ҳақда журналист Мигель Серрано хабар бермоқда.
Манбанинг таъкидлашича, тажрибали мутахассис яқинда «қаймоқранглилар»нинг уч нафар амалдаги футболчиси билан бевосита алоқага чиққан. Гарчи футболчиларнинг исм-шарифи ошкор қилинмаган бўлса-да, улар орасида испаниялик ўйинчилар, шунингдек, яқиндагина муштлашув машмашасига аралашиб қолган Федерико Вальверде ва Орельен Тчуамени йўқлиги айтилмоқда.
Эслатиб ўтамиз, Жозе Моуриньо 2010 йилдан 2013 йилгача «Реал» бош мураббийи сифатида фаолият юритган. Ҳозирда жамоани Альваро Арбелоа бошқармоқда. Катта эҳтимол билан, Арбелоа жорий мавсум якунида ўз лавозимини тарк этади.
