Мадриднинг «Атлетико» клуби ҳужумчиси Хулиан Альварес фаолиятини бошқа жамоада давом эттириши мумкин. Журналист Педро Фульянанинг маълумотига кўра, гарчи «матрасчилар» аргентиналик футболчи билан хайрлашишни истамаётган бўлса-да, ўйинчининг вакиллари аллақачон янги трансфер устида иш бошлашган.
Ҳозирда 26 ёшли ҳужумчи учун асосий даъвогар «Барселона» бўлиб турибди. Каталония клуби билан дастлабки алоқалар ўрнатилгани айтилмоқда. Шунингдек, Чемпионлар лигаси финалчилари — «Арсенал» ва «ПСЖ» ҳам футболчининг ҳолатини кузатиб бормоқда. Бироқ ҳозирча бирорта клуб билан расмий музокаралар бошланмаган.
Эслатиб ўтамиз, Хулиан Альвареснинг Мадрид клуби билан амалдаги шартномаси 2030 йилгача мўлжалланган. Transfermarkt портали ҳужумчининг трансфер қийматини 90 миллион еврога баҳолаган.
