«Бавария» клуби фахрий президенти Ули Хёнесс Мюнхен жамоасининг Германия чемпионатидаги мутлақ устунлиги борасида ўз фикрларини билдириб ўтди. Маълумот учун, сўнгги 14 йил ичида «Бавария» 13 бор Бундеслига олтин медалларини қўлга киритган.
Фақатгина 2023/2024 йилги мавсумда Леверкузеннинг «Байер» клуби чемпионликка эришиб, мюнхенликларнинг сериясини тўхтатишга муваффақ бўлган эди.
«Бу «Бавария» учун шубҳасиз яхши, лекин чемпионат учун... Ҳа, эртами-кечми биз яна қоқиламиз, бироқ ўшанда бошқалар бундан фойдаланишга тайёр туришлари керак», — дея Хёнесснинг сўзларини келтиради Bayern & Germany.
Эслатиб ўтамиз, апрель ойида Венсан Компани шогирдлари навбатдаги чемпионликни муддатидан олдин нақд қилишди. Жамоа Бундеслиганинг бир мавсумида киритилган голлар сони бўйича янги рекорд ўрнатди — ҳозирда мюнхенликлар ҳисобида 33 та ўйинда 117 та гол мавжуд.
