«Барселона» кетма-кет олтинчи ғалабасини қўлга киритди. Ханси Флик шогирдлари бугун Ла Лиганинг 35-тури доирасида ўз майдонида «Реал»ни мағлуб этди — 2:0. Бунгача жамоа «Осасуна», «Хетафе», «Сельта», «Атлетико» ва «Эспаньол» устидан ғалаба қозонган эди.

«Блауграна» охирги ўн битта ўйинда ўнта ғалабага эришди ва фақатгина Чемпионлар лигасида «Атлетико»дан мағлубият (0:2) қабул қилиб олди.

«Барселона» навбатдаги учрашувларини 13 май куни «Алавес», 17 майда «Бетис» ва 24 май куни «Валенсия»га қарши ўтказади.