Душан Влаховичнинг «Ювентус» билан шартномаси келаси ойнинг охирида ўз ниҳоясига етади. Томонлар анчадан бери музокаралар олиб боришмоқда, бироқ ҳозирча улар натижа бергани йўқ — келишувнинг айрим шартлари ҳалигача ҳал этилмаган.
Инсайдер Николо Скиранинг хабар беришича, мураббий Лучано Спаллетти сербиялик футболчини лойиҳанинг асосий фигураси деб ҳисоблайди. Италиялик мутахассис ҳужумчи билан шартномани узайтиришни фаол тарзда талаб қилмоқда. Тез орада томонлар муросага келиш умидида навбатдаги учрашувни ўтказишади. Вазиятни «Бавария» кузатишда давом этмоқда; агар футболчи «кекса синьора» билан келиша олмаса, Мюнхен клуби 26 ёшли ҳужумчини эркин агент сифатида ўз сафига қўшиб олишни режалаштирган.
