«Манчестер Юнайтед»нинг афсонавий собиқ дарвозабони Петер Шмейхель ҳакамлар «Арсенал»га жуда кўп нарсага рухсат бераётган деб ҳисоблайди.
«Тўпчилар»нинг рақиблари кўпинча бурчак зарбалари вақтида дарвозабонларни тўсиб қўйиш ҳолатлари Микель Артета жамоасига «кечирилаётганидан» шикоят қилишади. Ушбу эътирозларга машҳур даниялик ҳам қўшилди.
«Арсенал» бутун мавсум давомида рақиб дарвозабонларини тўсиб қўймоқда. Агар бундай голлар бекор қилинганда, улар ҳеч қачон пешқадамлар қаторида бўлмасдилар. Бу жуда адолатсизлик. Бундан ғазабдаман», — деди Шмейхель Viaplay эфирида.
Якшанба куни «Арсенал» «Вест Хэм» устидан минимал ҳисобда ғалаба қозонди. «Тўпчилар» 79 очко билан «Манчестер Сити»ни (74 очко, битта захира ўйини бор) ортда қолдирмоқда.













