«Барселона» ҳужумчиси Маркус Рэшфорд жамоанинг яқин йиллардаги истиқболлари ҳақида ўз фикрлари билан ўртоқлашди. Аввалроқ «кўк-анорранглилар» ўз майдонида Мадриднинг «Реал» клубини мағлуб этиб, муддатидан олдин Испания чемпионига айланган эди.
«Бизда фантастик жамоа шаклланган. «Барселона» яқин йиллар ичида ҳали кўплаб совринларни қўлга киритади, шунинг учун ҳам бу ерда қолиш ажойиб бўларди», — дея Рэшфорднинг сўзларини келтирмоқда журналист Фабрицио Романо.
Эслатиб ўтамиз, Рэшфорд жорий мавсумни «Барселона» сафида ижара асосида ўтказмоқда. Унинг трансфер ҳуқуқи «Манчестер Юнайтед»га тегишли.
