«Barselona» hujumchisi Markus Reshford jamoaning yaqin yillardagi istiqbollari haqida o‘z fikrlari bilan o‘rtoqlashdi. Avvalroq «ko‘k-anorranglilar» o‘z maydonida Madridning «Real» klubini mag‘lub etib, muddatidan oldin Ispaniya chempioniga aylangan edi.

«Bizda fantastik jamoa shakllangan. «Barselona» yaqin yillar ichida hali ko‘plab sovrinlarni qo‘lga kiritadi, shuning uchun ham bu yerda qolish ajoyib bo‘lardi», — deya Reshfordning so‘zlarini keltirmoqda jurnalist Fabrisio Romano.

Eslatib o‘tamiz, Reshford joriy mavsumni «Barselona» safida ijara asosida o‘tkazmoqda. Uning transfer huquqi «Manchester Yunayted»ga tegishli.