«Барселона» футболчилари Испания чемпионатидаги ғалабани ўзгача тарзда нишонлашди.
Ла Лиганинг 35-турида «Реал» устидан қозонилган ғалабадан (2:0) ва чемпионлик нақд қилинганидан сўнг, ярим ҳимоячилар Дани Ольмо ва Педри, шунингдек, ҳимоячи Эрик Гарсия тунги Барселона кўчаларида велосипед учишга йўл олишди. Футболчилар мана икки йилдирки чемпионликни айнан шундай нишонламоқдалар.
Ўтган мавсумда Ольмо, Педри, Гарсия ва Иньиго Мартинес велосипедларда аппендицит операциясидан сўнг соғайиб чиқаётган Ферран Торресни йўқлаш учун шифохонага боришган эди. Бу сафар эса футболчилар шунчаки шаҳар кўчалари бўйлаб сайр қилиш билан чекланишди.
Бундан ташқари, Марк Касадо ва Алехандро Бальде чемпионлик шодиёналарини бевосита клуб мухлислари билан биргаликда ўтказишди.













