"Реал Мадрид" клуби ҳимоячиси Ферлан Менди жароҳати сабаб жарроҳлик амалиётини ўтказди. Бу ҳақда клуб матбуот хизмати душанба куни маълум қилди.
30 ёшли француз футболчисининг сон мушакларидан олган жароҳати жиддий бўлиб чиқди. Клуб анъанасига кўра, футболчининг тикланиш муддати бўйича расмий маълумот берилмаган. Бироқ журналист Аранча Родригеснинг ижтимоий тармоқларда хабар беришича, Менди майдонга қайтиши учун тахминан 5-6 ой вақт талаб этилади. Шу тариқа, ҳимоячи фақат куз фаслига келиб сафга қайтиши мумкин.
Маълумот учун, "Реал Мадрид" айни дамда Испания чемпионати турнир жадвалида иккинчи ўринни эгаллаб турибди. Якшанба куни Альваро Арбелоа бошчилигидаги жамоа "эл-класико"да 0:2 ҳисобида имкониятни бой берган эди.
