"Real Madrid" klubi himoyachisi Ferlan Mendi jarohati sabab jarrohlik amaliyotini o‘tkazdi. Bu haqda klub matbuot xizmati dushanba kuni ma’lum qildi.

30 yoshli fransuz futbolchisining son mushaklaridan olgan jarohati jiddiy bo‘lib chiqdi. Klub an’anasiga ko‘ra, futbolchining tiklanish muddati bo‘yicha rasmiy ma’lumot berilmagan. Biroq jurnalist Arancha Rodrigesning ijtimoiy tarmoqlarda xabar berishicha, Mendi maydonga qaytishi uchun taxminan 5-6 oy vaqt talab etiladi. Shu tariqa, himoyachi faqat kuz fasliga kelib safga qaytishi mumkin.

Ma’lumot uchun, "Real Madrid" ayni damda Ispaniya chempionati turnir jadvalida ikkinchi o‘rinni egallab turibdi. Yakshanba kuni Alvaro Arbeloa boshchiligidagi jamoa "el-klasiko"da 0:2 hisobida imkoniyatni boy bergan edi.